როგორ მოვუაროთ ტერფებს?
თქვენი ფეხები ყოველდღიურად გატარებენ, ამ დროს კი თქვენს წონაზე ორჯერ მეტი დატვირთვის გაძლება უწევთ, ამიტომ ძალიან მნიშვნელოვანია მათი სწორად მოვლა. ქალების 75%-ს უვითარდება ფეხის პრობლემა ცხოვრების გარკვეულ ეტაპზე, ფეხის ტკივილი კი შეიძლება ზურგის ან სახსრების ტკივილში გადაიზარდოს. იზრუნეთ თქვენს ფეხებზე,როგორც ისინი იმსახურებენ და განსხვავებას აუცილებლად იგრძნობთ. იმისათვის, რომ ზაფხულში თქვენი ფეხები ლამაზად გამოიყურებოდეს, საჭიროა მათი სწორი მოვლა, რადგან მზის ზემოქმედებამ შეიძლება კიდევ უფრო დააზიანოს ისინი. მიყევით ამ მარტივ ყოველდღიურ რჩევებს ლამაზი, თვალისმომჭრელი ფეხებისთვის.
რჩევა #1
3 ნაბიჯი ლამაზი ფეხებისთვის
1. წაისვით სკრაბი კვირაში ორჯერ მაინც
დაიტანეთ სკრაბი მშრალ ფეხებზე აბაზანის ან შხაპის მიღებამდე. ნაზად შეიზილეთ ხელებით რამდენიმე წუთის განმავლობაში, შემდეგ ჩამოიბანეთ. შეგიძლიათ გამოიყენოთ როგორც სხეულის, ისე სპეციალურად ფეხებისთვის შექმნილი სკრაბი.
2. დაიატენიანეთ ყოველდღიურად
ორთოპედები თვლიან, რომ ყველაზე ხშირი ფეხების პრობლემა არასაკმარისი დატენიანებაა. გამოიყენეთ ინტენსიური დამატენიანებელი დაბანის შემდეგ და კარგად შეიზილეთ კანზე. თითების დახმარებით, წრიული მოძრაობებით დაიმასაჟეთ კანი. ნაზად შეიზილეთ ფეხის ზედა ნაწილშიც. თითოეულ ფეხს დაუთმეთ 5-10 წუთი.
3. იზრუნეთ თქვენს ფრჩხილებზე
ფეხის ფრჩილები დაიჭერით სწორად და მოკლედ. რეკომენდირებულია მათი დაჭრა დაბანის შემდეგ, რადგან ამ დროს უფრო რბილია. წაისვით ნუნების ზეთი თქვენს ფეხის ფრჩხილებზე, რათა შეუნარჩუნოთ სირბილე.
რჩევა #2
როგორ წავისვათ ლოქსიტანის ტერფის კრემი?
1. შეიზილეთ კანზე თითების საშუალებით, დაიწყეთ ფეხის თითებიდან და მიყევით ზედა მიმართულებით.
2. ცერა თითების დახმარებით, წრიული მოძრაობებით შეიზილეთ ფეხის ძირებზე
3. თითის წვერების საშუალებით დაიმასაჟეთ ტერფისა და აქილევსის მყესის გარშემო, წრიული მოძრაობებით.
4. დაასრულეთ ფეხების მასაჟი ნაზი მოძრაობებით.
რჩევა #3
როგორ მოვიშოროთ მშრალი, დაბზარული ქუსლები
დაბზარული ქუსლები უკიდურესად გამომშრალი ფეხების შედეგია და ამის თავიდან აცილება მარტივად შეგიძლიათ ჩვენი რჩევების გათვალისწინებით.
1. სანამ ფეხებზე ზრუნვას დაიწყებთ, დარწმუნდით, რომ ისინი თბილი და დატენიანებულია: გააჩერეთ ფეხის თბილ აბაზანაში 5-15 წუთის განმავლობაში. დამატებითი სიმსუბუქისთვის შეგიძლიათ გამოიყენოთ აბაზანის მარილები.
2. დაასველეთ პემზა თბილ საპნიან წყალში, შემდეგ ნაზად წაისვით ფეხების გამომშრალ მიდამოებზე.
3. გაიშრეთ ფეხები. არ დაიზილოთ ფეხები, რადგან პემზით დამუშავებული კანი შეიძლება მგრძნობიარე იყოს.
4. წაისვით დამატენიანებელი კრემი. შეიზილეთ ფეხებზე, რათა გათავისუფლდეთ დღის დაძაბულობისგან და მოემზადოთ კომფორტული ძილისთვის.
რჩევა #4
სწრაფი რჩევები უფრო მსუბუქი ფეხებისთვის
1. მუდმივად გეჭიროთ სწორი პოზა - გაიმართეთ ბეჭებში, აწიეთ თავი და მკერდი მაღლა.
2. ხანგრძლივი დღის შემდეგ დაიმასაჟეთ ფეხები ეთერზეთებით.
3. ხშირად მიიღეთ ცივი აბაზანა ან შხაპი კიდურებში სისხლის მიმოქცევის სტიმულირებისთვის.
4. მიირთვით E ვიტამინით მდიდარი საკვები, რათა დაიცვათ თქვენი ყველა უჯრედი და ხელი შეუწყოთ სისხლის ჯანსაღ მიმოქცევას.
5. შეასრულეთ ფეხის დამამშვიდებელი მასაჟი სპეციალური ზეთით, რათა მოიხსნათ დაღლილობა ფეხებიდან.
რჩევა #5
როგორ გვქონდეს მბზინავი, ჯანსაღი და ძლიერი ფრჩხილები
1. უხეშად არ გაიხეხოთ სუსტი ფრჩხილები. ამის ნაცვლად, ზეთის წასმის შემდეგ დაიმასაჟთ თითები, რათა გაზარდოთ სისხლის ნაკადი ფრჩხილებში.
2. ეცადეთ, არ გამოიყენოთ ფრჩხილის ლაქის მოსაშორებელი უხეში, ქიმიური საშუალებები. ამის ნაცვლად, ყოველ საღამოს შეიზილეთ ფრილებზე ორგანული ზეთი, როგორიცაა ნუშის ან ნიმის ზეთი.
3. ისევე როგორც თმა და კანი, თქვენი ფრჩხილებიც ცილებით იკვებება. ამიტომ მიირთვით ბევრი ხორცი, თევზი, პარკოსნები ან ტოფუ. თუ ვეგეტარიანელი ხართ, დარწმუნდით, რომ იღებთ საკმარის რკინას და არ დაგავიწყდეთ ყოველდღიური რკინის დანამატის მიღება.
4. ხშირად მიირთვით საკვები, რომელიც მდიდარია ჯანსაღი ზეთებით, მაგალითად ორაგული, სკუმბრია, თხილი და მარცვლეული. დაფქული სელის თესლი განსაკუთრებით სასარგებლოა თქვენი ფრჩხილებისთვის.
ᲑᲔᲡᲢᲡᲔᲚᲔᲠᲘ
შიის კარაქის ტერფის კრემი 150მლ
საუკეთესოდ გაყიდვადი ფეხის მოვლის საშუალება
სარეკომენდაციო რჩევები
როგორ ავარჩიოთ საუკეთესო ხელის კრემები
მიუხედავად იმისა, რომ ჩვენ ყველას გვახსოვს ჩვენი სახის მოვლა, იგივეს ვერ ვიტყვით ჩვენს ხელებზე... თუ გსურთ, რომ ხელები ლამაზი იყოს მთელი წლის განმავლობაში, მიყევით ჩვენს სილამაზის სახელმძღვანელოს!
როგორ-მოვიშოროთ-ცელულიტი
აღმოაჩინეთ, თუ როგორ უნდა მოიცილოთ ცელულიტი ბუნებრივი ინგრედიენტების გამოყენებით. მიყევით ჩვენს რჩევებს და შეარჩიეთ სწორი პროდუქტები თქვენი სხეულის გასამკვრივებლად და დასატენიანებლად.
აღდგენა-ზაფხულის-შემდეგ
ზაფხულის განმავლობაში ზღვა, მზე, ქვიშა და ჰაერის კონდიციონერიც კი იწვევს ცვეთას. თქვენი კანი მზის ზემოქმედებისგან ხდება უფრო სქელი და მშრალი, განსაკუთრებით სახე, თმა კი ხდება მტვრევადი და სუსტი.აღმოაჩინეთ ჩვენი რჩევები!
