დღის განმავლობაში გარე აგრესორებისგან მიღებული ზემოქმედების შემდეგ - ღამით, როდესაც გძინავთ, თქვენი სხეული ძალებს იღდგენს. ძილის იდეალური დრო ყველასთვის ინდივიდუალურია, თუმცა საშუალოდ 7-8 საათს წარმოადგენს. საკმარისი ძილისთვის, აუცილებლად შეიქმენით მშვიდი ატმოსფერო თქვენს საძინებელში. ასევე შეგიძლიათ გამოიყენოთ ჩვენი დამამშვიდებელი ბალიშის სპრეი, რომელიც უზრუნველყოფს თქვენს მშვიდ და კომფორტულ ძილს.

ჯანსაღი დიეტა მნიშვნელოვანია ზამთარში, უფრო მეტადაც კი, ვიდრე სხვა სეზონებზე. C ვიტამინის საკმარისი რაოდენობით მიღება აძლიერებს თქვენს იმუნურ სისტემას. იგი ძლიერი ოქსიდანტია, ეხმარება კოლაგენის გამომუშავებას და აფერხებს უჯრედების დაბერებას, შედეგად კი კანს ანიჭებს ბზინვარებას. წიწაკა, ოხრახუში, კივი, ციტრუსები და ყველა ახალი ხილი თუ ბოსტნეული, თქვენ საკმაოდ დიდი არჩევანი გაქვთ ! ომეგა-3 (რომელიც გვხვდება ცხიმოვან თევზში, თხილში, სელის თესლსა და რაფსის ზეთში...) ასევე ანიჭებს კანს სიგლუვეს და ელასტიურობას.

არ დაგვავიწყდეს ზამთარში წყლის საკმარისი რაოდენობით მიღებაც, რადგან ჩვენს სხეულს მაინც სჭირდება დატენიანება. ვინაიდან ცივი სასმელები შეიძლება ნაკლებად მიმზიდველი აღმოჩნდეს, შეგიძლიათ სცადოთ ჩაი ან თბილი წყალი ლიმონით.

მიიღეთ უფრო მოკლე, ნელ-თბილი შხაპი და მოერიდეთ ძალიან ცხელ წყალს, რადგან ის აზიანებს თქვენი კანის ლიპიდურ ფენას. აბაზანის წყალში დამატებული წვრილად დაფქული შვრია სასწაულებრივად არბილებს და ამშვიდებს გაღიზიანებულ, ქავილიან კანს. ასევე მოქმედებს როგორც ნაზი ამქერცლავი, და იდეალურია ზამთრის თვეებისთვის.
და ბოლოს, რაც არანაკლებ მნიშვნელოვანია, წაისვით დამატენიანებელი რეგულარულად, დაბანისთანავე, ნოტიო კანზე. თქვენი კანის სიმშრალის დონიდან გამომდინარე შეგიძლიათ აირჩიოთ შიის კარაქის ულტრა მდიდარი შხაპის კრემი 250მლ ან შიის ულტრა მდიდარი სხეულის ლოსიონი 200მლ.